საქართველოს ეროვნულმა ბანკმა ლარის ახალი გაცვლითი კურსი დაადგინა. ერთი ამერიკული დოლარი 1.8421 ღირს. დღეს დადგენილი კურსით ეროვნული ვალუტა გაუფასურების ტენდენციას ინარჩუნებს. დღეს ლარი 0.0053 ნიშნულით დაეცა. ახალი გაცვლითი კურსი ძალაში ხვალიდან შევა. ეროვნული ვალუტა გაუფასურდა ევროსთან მიმართებაშიც და ერთი ევროს ღირებულებამ 2.2872ნ ლარი შეადგინა.

საქართველოს ფინანსთა მინისტრის ნოდარ ხადურის განცხადებით, ეროვნული ვალუტის გაცვლითი კურსის ცვლილებაზე ბიუჯეტს არანაირი გავლენა არ აქვს.

მინისტრის თქმით, საქართველოში მონეტარული პოლიტიკის განმსაზღვრელი ორგანო არის ეროვნული ბანკი და ვალუტის ცვლილებასთან დაკავშირებით შესაბამისი კომენტარი სწორედ მან უნდა გააკეთოს.