საქართველოს ექს–პრეზიდენტი მიხეილ სააკაშვილი შესაძლოა, უკრაინაში ვიცე-პრემიერის თანამდებობაზე დაინიშნოს. ინფორმაცია უკრაინის ინგლისურენოვანი გაზეთი "კიევპოსტი" ავრცელებს.

მათი ინფორმაციით, უკრაინის მთავრობა კვალიფიციური კადრების დეფიციტის გამო უცხოელი სპეციალისტების მიწვევას გეგმავს.

„ამჟამად უცხო ქვეყნის მოქალაქეებს უკრაინის მთავრობაში მუშაობის უფლება არ აქვთ და არც ორმაგი მოქალაქეობაა ნებადართული. თუმცა გასულ კვირას პარლამენტში სიტყვით გამოსვლისას პრეზიდენტმა პოროშენკომ დეპუტატებს შესთავაზა, მხარი დაუჭირონ კანონს, რომლის მეშვეობით უცხო ქვეყნის მოქალაქის უკრაინის საჯარო სამსახურში მუშაობა შეეძლება“, - ნათქვამია „კიევპოსტის“ მიერ გავრცელებულ ინფორმაციაში.

რამდენიმე დღის წინ გავრცელდა ინფორმაცია, რომ საქართველოს ყოფილი ხელისუფლების მაღალჩინოსნები უკრაინის მინისტრთა კაბინეტის წევრები ხდებიან. ამ დრომდე აღნიშნულთან დაკავშირებით კონკრეტული ინფორმაცი არ გავრცელებულა.