სახალხო დამცველი ლაფანყურის სპეცოპერაციის საქმეზე აქამდე უცნობ ფაქტებს დღეს გაასაჯაროებს. ლოპოტას ხეობაში 2012 წლის აგვისტოში ჩატარებულ სპეცოპერაციასთან დაკავშირებით ომბუდსმენის ანგარიში უკვე მზად არის.

უჩა ნანუაშვილის განცხადებით, დოკუმენტი წელიწადნახევრის განმავლობაში დამოუკიდებელი კვლევის შედეგად მოპოვებული მასალების შედეგად მომზადდა.

კვლევაში 12 დამოუკიდებელი ექსპერტი მონაწილეობდა.

„ვეცადეთ შეგვესწავლა ყველა დეტალი და მოგვეხდინა ყველა იმ დეტალის დოკუმენტირება, რომელიც 2012 წლის აგვისტოში ლოპოტას ხეობაში მომხდარ მოვლენებს უკავშირდება. გამოვკითხეთ არაერთი ადამიანი და სწორედ ამ კვლევის შედეგები იქნება გამოქვეყნებული“, - განაცხადა სახალხო დამცველმა.