დარბაზში არმყოფი კობა სუბელიანის ხმა ვეტოს დაძლევის სასარგებლოდ?

პოლიტიკა - 17:23, 30 Nov, 2014

3342

მმართველმა გუნდმა ვეტოს დასაძლევად 82 ხმის მოგროვება მოახერხა, თუმცა აღმოჩნდა, რომ მათ შორის ,,ნაციონალური მოძრაობის“ წევრები არიან. პარლამენტის დოკუმენტში წერია, რომ ვეტოს დაძლევას მხარი დაუჭირა კობა სუბელიანმა, სამოელ პეტროსიანმა და გელა ბეჟუაშვილმა. როგორც აღმოჩნდა, სხდომათა დარბაზში კენჭისყრისას კობა სუბელიანი საერთოდ არ იმყოფებოდა, რის გამოც ,,ნაციონალური მოძრაობა“ მისი ხმის გამოთხოვას ითხოვს, რაც შეეხება ორ დეპუტატს, როგორც ,,ნაციონალური მოძრაობის“ წევრები ამბობენ, მათზე მოხდა შანტაჟი პირდაპირ შინაგან საქმეთა სამინისტროდან და სწორედ ამის გამო დააფიქსირეს ვეტოს დაძლევის სასარგებლოდ საკუთარი ხმა. ოპოზიცია ამ ხმების გამოთხოვასაც ითხოვს, თუმცა ეს შესაძლებელია იმ შემთხვევაში, თუ დეპუტატები თავად საკუთარ ხმას თავად გამოითხოვენ.

,,ერთი ხმა ნაციონალური მოძრაობიდან მიიღო უმრავლესობამ და ეს ერთი ხამ არის სამოელ პეტროსიანის. დღეს როცა იხილებოდა კანონი შსს მიერ მოსმენების შესახებ, ჩვენ ზუსტად ჩვენი თვალით ვუყურეთ, როგორ ხდებოდა ამ ადამიანის მიმართ ზეწოლა, სწორედ შს სამინისტროს მხირდან. ის სხვადასხვა მეთოდებით აუძულეს მიეცათ ხმა, თუ არადა მას ემუქრებოდნენ სასჯელებით“ - განაცხადა გოკა გაბაშვილმა.

საქართველოს პარლამენტმა მოსმენების შესახებ კანონზე 29 ნოემბერს პრეზიდენტის მიერ დადებული ვეტო დაძლია.

პირველ საკითხზე მომხრე -82 წინააღმდეგი -13

პირველ საკითხზე მომხრე -81 წინააღმდეგი -13

მესამე საკითხზე მომხრე- 80 წინააღმდეგი-14

ვეტოს დაძლევაში მონაწილეობის მიღებას არ აპირებდნენ , ფრაქცია ”რესპუბლიკელები” ”თავისუფალი დემოკრატები ” და ,,ნაციონალური მოძრაობა”.

ვეტოს დაზლევის შემდეგ დოკუმენტი იგზავნება პრეზიდენტთან ხელმოსაწერად იმისთვის რომ ძალაშ შევიდეს. როგორც პრეზიდენტის საპარლამენტო მდივანმა გიორგი კვერენჩხილაძემ განაცხადა, გიორგი მარგველაშვილი მზად არის, დოკუმენტს ხელი დღესვე მოაწეროს.