დავადასტურეთ ის, რაც იყო შევარდნაძის დროსაც, იყო ჩვენ დროსაც და არის ეხლაც

დავადასტურეთ ის, რაც იყო შევარდნაძის დროსაც, იყო ჩვენ დროსაც და არის ეხლაც - დარჩიაშვილი

პოლიტიკა - 14:48, 30 Nov, 2014

1694

რაც არ უნდა ხატოვანი წარმოსახვები მოგვაწოდოს ქალბატონმა ეკამ თავის პროექტზე, ის მაინც რჩება თვალთმაქცობად, - ამის შესახებ უმცირესობის წევრმა დავით დარჩიაშვილმა პარლამენტში ფარული მოსმენების "გასაღებთან" დაკავშირებით პრეზიდენტის მიერ წარმოდგენილი შენიშვნების განხილისას განაცხადა.

დეპუტატის თქმით, ეკა ბესელიას მიერ წარმოდგენილი კანონპროექტით, რჩება ის, რომ შსს-ში იდგება სერვერი პროგრამული უზრუნველყოფით და მოუსმენენ მობილურ ოპერატორებს უკანონოდ მაშინ, როცა ეს მათ მოუნდებათ. ,,პერსონალური ინსპექტორი ვერ გააკონტროლებს თუკი ეს ხდება უკანონოდ. ინსპექტორი გააკონტროლებს მარტო კანონიერ მოსმენებს“, - აღნიშნა დარჩიაშვილმა.

დეპუტატმა პრეზიდენტის მიერ წარმოდგენილი შენიშვნები გააკრიტიკა. მისი თქმით, გარდა ტექნიკური ტერმინების გამოყენებისა, მოსმენების მანკიერი პარაქტიკა კვლავ გადაუჭრელი რჩება.

,,არსი საკითხის, ჩვენი საერთო ბედკრული წარსულიდან გამომდინარე, რომელიც თავს არ გვანებებს, შეიძლება გადმოიცეს რუსული მეტაფორით, რომ ,,მთამ შობა თაგუნა“ - რეალურად ხდება ის, რომ მოსამართლეს, რომელსაც შევარდნაძის დროსაც კი ჰქონდა ეს უფლება, რომ მხოლოდ მას მიეღო გადაწყვეტილება, კანონიერად როდის შეუძლია შსს-ს მოსმენა, ახლა ექნება კიდევ ერთი უფლება, რომ ელექტრონულადაც გასცეს ეს უფლება და სად იქნება სერვერი და ვინ იჯდება მასთან, ეს ყველაფერი რჩება ისევ ჰაერში და უნდა განისაზღვროს ისევ მთავრობის ანუ ღაირბაშვილის დადგენილებით. არაფერი აქედან არ იცვლება. თქვენი ეს მცდელობა, რომ პოლიტიკური წუხილი გაგზიარებინათ და მოსმენების პრაქტიკა აღგეკვეთათ, არაფერი ეს არ მოხდა და მთელი ეს დღეები თქვენის მხრიდან იყო ქარიშხალი ჭიქაში და შედეგად არაფერი არ მივიღეთ. მხოლოდ ელექტორნული ტერმინებით დავადასტურეთ ის, რაც იყო შევარდნაძის დროსაც, იყო ჩვენ დროსაც და არის ეხლაც“, - განაცხადა დარჩიაშვილმა.