მე ვარ აბსოლუტურად დარწმუნებული იმაში, რომ ეს გადაწყვეტილება ამ პარლამენტში, ამ შემადგენლობის პარლამენტის დროს შეიცვლება და მოსმენების მანკიერი თემა დარჩება წარსულის კუთვნილებად“, - განაცხადა საპარლამენტო უმრავლესობის წარმომადგენელმა, „რესპუბლიკური პარტიის“ წევრმა თინა ხიდაშელმა პარლამენტის მიერ ფარული მოსმენების შესახებ მიღებულ კანონპროექტზე საუბრისას.

საპარლამენტო უმრავლესობის წევრის აზრით, 2010 წელს „ნაციონალური მოძრაობის“ მიერ მიღებულ კანონთან შედარებით, პარლამენტის მიერ 28 ნოემბერს დამტკიცებული კანონპროექტი გაუმჯობესებული ვარიანტია, თუმცა მისივე თქმით, დღეს მიღებული მოდელით 2014 წლის აგვისტოში მიღებული კანონი გაუარესებულია.

„ადვილია იყო „ნაცმოძრაობაზე“ უკეთესი, აქ პრობლემა არაფერი არ არის, მაგრამ ძალიან სამწუხაროა, როდესაც საკუთარ პროგრესულ, თავმოწონებულ, ბევრის მიერ შექებულ გადაწყვეტილებას ასე სწრაფად ცვლი და რეალურად უკან დგამ ნაბიჯებს. ეს, რა თქმა უნდა, ძალიან სამწუხაროა და პირველი აგვისტოს კანონთან შედარებით, ეს კანონი გაუარესებული ვარიანტია“, - აცხადებს ხიდაშელი