ფარული მოსმენების განმახორციელებელ ორგანოდ შსს რჩება

ფარული მოსმენების განმახორციელებელ ორგანოდ შსს რჩება - დავით პატარაია

პოლიტიკა - 14:10, 29 Nov, 2014

1728

პრეზიდენტის ადმინისტრაციის უფროსი დავით პატარაია პრეზიდენტის მიერ პარლამენტისთვის შეთავაზებულ კანონპროექტზე საუბრობს. პატარაიას განცხადებით, ქვეყნის პირველი პირის შენიშვნის თანახმად, სასამართლო გარდა ნებართვის გამცემისა მოსმენებზე ელექტრონული თანხმობის მიმცემიც იქნება, პროცესზე ზედამხედველობის უფლება კი პერსონალურ მონაცემთა დაცვის ინსპექტორს რჩება.

"პრეზიდენტის შენიშვნები, რომელიც მზადდება, ითვალისწინებს რამდენიმე ძირითად პრინციპს, პირველი აგვისტოში პარლამენტის მიერ მიღებული ცვლილებები და ის ნოვაცია, რომელიც პოზიტიურად შეფასდა, უნდა იქნას შენარჩუნებული და ამ ნოვაციის დამკვიდრება მოხდეს კანონმდებლობაში, მეორე პრინციპია ის, რომ მოხდეს ფუნქციების დაყოფა იმისთვის, რათა უზრუნველყოფილი იქნას უსაფრთხოებასა და თავისუფლებას შორის, სწორი ევროპული ბალანსის დამკვიდრება. ანუ ერთი მხრივ, საუბარია ფარული მიყურადების უფლების მქონე ორგანოზე და შსს იქნება მიყურადების განმახორციელებელი, მეორე მხრივ საუბარია ნებართვის გამცემ ორგანოზე, მესამე მხრივ კი, მაკონტროლებელ ორგანოზე. ჩვენ არ ვთავაზობთ პარლამენტს არავითარ ახალ სტრუქტურას, ახალ მოთამაშეს, რომელიც ამ პროცესში უნდა შემოვიდეს, უბარლოდ, სასამართლო გარდა ნებართვის გამცემისა, იქნება ელექტრონული თანხმობის მიმცემი და ამ მხრივ სასამართლოს როლი უფრო მნიშვნელოვანი გახდება. ეს არის ძირითადი პრინციპები", - განაცხადა დავით პატარაიამ.