ვახუშტი მენაბდე აცხადებს, რომ პრეზიდენტის გადაწყვეტილებით, კარგად ჩანს, სად გადის ზღვარი ხელისუფლების სხვადასხა შტოებს შორის. მისი აზრით ვეტოს გადალახვა პარლამენტს გაუჭირდება, მიუხედავად ხელისუფლების განცხადებისა, რომ მათ ჰყავთ საჭირო უმრავლესობა.

"აქ უკვე არსებითი მნისვნელობა აღარ აქვს იმას ეს ვეტო გადაიძლევა თუ არა საქართველოს პარლამენტის მიერ. ეს პოლიტიკური ნაბიჯი პრეზიდენტის მხრიდან აჩვენებს, სად გამყოფი ზღვარი ხელისუფლების სხვადასხვა შტოებს შორის. ჩვენ ეს გამყოფი ზღავრი დავნახეთ პარლამენტში, როდესაც გარკვეულმა ფრაქციებმა და ცალკეულმა დეპუტატებმა არ დაუჭირეს მხარი კანონპროექტს. რაც შეეხება ვეტოს გადალახვის პროცედურულ საკითხს, საჭიროა 76-ი დეპუტატის ხმა, პირველი მოსმენით მხარი დაუჭირა 75-მა დეპუტატმა. ჩვენ ვფიქრობთ , რომ გაუჭირდება უმრავლესობას აღნიშნული ვეტოს გადალახვა, მაგრამ ხელისუფლებაში აცხადებენ, რომ მათ ჰყავთ საჭირო უმრავლესობა. დაველოდოთ მოვლენების განვითარებას, ყველაფერი მაქსიმუმ ხვალ გახდება ცნობილი,"-განაცხადა ვახუშტი მენაბდემ.