პრეზიდენტმა ვეტოს უფლება არ უნდა გამოიყენოს

პრეზიდენტმა ვეტოს უფლება არ უნდა გამოიყენოს - ბესელია

პოლიტიკა - 18:05, 28 Nov, 2014

1677

უმაღლესმა საკანონმდებლო ორგანომ მესამე მოსმენით ე.წ. გასაღებთან დაკავშირებით ბესელია-ფოფხაძე-სესიაშვილის კანონპროექტი მიიღო. ეკა ბესელია მიიჩნევს, რომ ქვეყნის ინტერესებიდან გამომდინარე პრეზიდენტმა ვეტოს უფლება არ უნდა გამოიყენოს:

„თუ ამ ყველაფერს შევხედავთ სახელმწიფოებრივი მნიშნელობიდან, მე ვერ ვხედავ ვეტოს გამოყენების საფუძველს. უნდა შევხედოთ ამ პროცესს, თუ რა მნიშვნელობა აქვს მას ქვეყნისთვის, ყველაზე მაღლა დგას არა ჩვენი პოპულარობა და ჩვენი იმიჯი, არამედ ქვეყნის ინტერესები და მისი მოსახლეობა“, - განაცხადა ეკა ბესელიამ.

პარლამენტმა ე.წ. გასაღებთან დაკავშირებით ბესელია-ფოფხაძე-სესიაშვილის კანონპროექტი დღეს მსამე მოსმენით, მწვავე განხილვების ფონზე მიიღო.

ბესელია-ფოფხაძე-სესიაშვილის კანონპროექტს დღეს მხარი 73-მა დეპუტატმა დაუჭირა, წინააღმდეგი კი პარლამენტის 30 წევრი წავიდა. კანონპროექტის მესამე მოსმენით განხილვაში მონაწილეობა არ მიუღიათ თინა ხიდაშელს და "თავისუფალ-დემოკრატებს".
აღნიშნული კანონპროექტის მიხედვით, ე.წ. გასაღები შინაგან საქმეთა სამინისტროს და პერსონალურ მონაცემთა დაცვის ინსპექტორის ხელში იქნება.
სავარაუდოდ დღესვე გახდება ცნობილი პრეზიდენტის დამოკიდებულება დოკუნენტის მიმართ. ამ საკითხთან დაკავშირებით საზოგადოებაში აზრი ორად იყოფა, ნაწილი მიიჩნევს რომ, მარგველაშვილი ბესელია-სესიაშვილი-ფოფხაძის პროექტს ხელს მოაწერს, ნაწილი კი აცხადებს რომ ვეტოს დაადებს.