ლავაში სომხეთის ნაციონალური ბრენდი ოფიციალურად გახდა

პოლიტიკა - 16:28, 28 Nov, 2014

8658

სომხეთმა ლავაშის მისაკუთრებით მეზობლები გაანაწყენა. სომხეთის გარდა ლავაში ტრადიციულ პურად ითვლება კავკასიელი, აზიელი და ახლო აღმოსავლეთის ხალხებისთვისაც.

სომხეთის მოთხოვნა იუნესკომ დააკმაყოფილა და ლავაში სომხეთის არამატერიალური კულტურული მემკვიდრეობის სიაში ოფიციალურად შევიდა. ამის შემდეგ მხოლოდ სომხები შეძლებენ ლავაშით, როგორც ნაციონალური ბრენდით ვაჭრობას.

მკვლევარი სტანისლავ ტარასოვიის აზრით, რეგიონის ქვეყნებისთვის „ლავაშის დავას“ სერიოზული მნიშვნელობა აქვს, რადგან მას, როგორც ბრენდს, მსოფლიო ბაზარზე საკმაო კომერციული პერსპექტივები გააჩნია .

იმის შიშით, რომ თანამედროვე ტექნოლოგიები და ფასტფუდი ისტორიულ გასტრონომიულ ფასეულობებს გაანადგურებს, ბევრი ქვეყანა ცდილობს ისინი „იუნესკოს“ საშუალებით დაიცვას.

მაგალითად, კორეელებმა არამატერიალური ღირებულებების სიაში შეიტანეს კიმსჟანი – ესაა ცხარე სახემსის მომზადების კულტურა. ფრანგებმა და იაპონელებმა კი ზოგადად, თავიანთი სამზარეულოები დააფიქსირეს. ბელგიამ სხვა გზა აირჩია და შეიტანა განაცხადი მსოფლიოში ერთ–ერთ ყველაზე გავრცელებულ კერძზე – კარტოფილ „ფრიზე“. ბელგიელების განაცხადს „იუნესკო“ მომავალ წელს განიხილავს.

გასული წლის ბოლოს იუნესკოს არამატერიალური კულტურული მემკვიდრეობის ძეგლის სტატუსი მიენიჭა ქვევრში ღვინის დაყენების უძველეს ქართულ ტრადიციულ მეთოდს.