პარლამენტის თავმჯდომარე არ ეთანხმება პრემიერის მოსაზრებას, რომ ძლიერი შინაგან საქმეთა სამინისტრო ძლიერ სახელმწიფოს ნიშნავს.

ამის შესახებ დავით უსუფაშვილმა პლენარულ სხდომაზე განაცხადა.

"პირდაპირი გზა ძლიერი პოლიციიდან პირდაპირი სახელმწიფომდე არ არსებობს, თუ ამ გზამ არ გაიარა ძლიერ მოქალაქეზე, ინსტიტუტებზე, ძლიერ კანონზე, ძლიერ პარლამენტზე, მთავრობაზე და თვითმმართველობაზე", -განაცხადა უსუფაშვილმა.

პრემიერ-მინისტრის აზრით, ძლიერი შინაგან სამინისტრო ნიშნავს ძლიერ სახელმწიფოს.

„ჩემი დევიზია- ძლიერი შინაგან საქმეთა სამინისტრო, ძლიერი სახელმწიფო, ძლიერი ქართული სპეცსამსახურები. ეს არის ჩვენი ქვეყნის წარმატების, განვითარების და წინსვლის საწინდარი“, -განაცხადა პრემიერმა.