საქართველოს პარლამენტის თავმჟდომარე, დავით უსუფაშვილი აცხადებს, რომ მას სჯერა, ვახტანგ ხმალაძის კანონპროექტით წარმოდგენილი მიდგომა არის სწორი და პარლამენტი მას ადრე თუ გვიან მიიღებს:

"მინდა ყველამ იცოდეს: კოალიციის მომხრეებმა, მოწინააღმდეგეებმა, კოალიციის წევრებმა, პარტნიორებმა – "რესპუბლიკელთა" ფრაქციამ დაიცვა ყველა წესი და ნორმა ამ კონკრეტულ საკითხთან დაკავშირებით იმ ფორმატებში, რაც არის კოალიციის შიგნით. რატომ მივეცი ხმა ვახტანგ ხმალაძის პროექტს და არ მივეცი ხმა ბესელია–ფოფხაძე-სესიაშვილის პროექტს – იმიტომ რომ მჯერა, ის მიდგომა არის სწორი და მჯერა, რომ ამ მიდგომამდე ჩვენ მივალთ. შესაძლოა, ახლა არ აღმოჩნდა მზად კოალიცია, უმრავლესობა, მთავრობა. ეს მჯერა, რადგან აქეთ მიდის მთელი ცივილიზებული მსოფლიო, აქეთ მიდის მთელი ევროპა და ადრე თუ გვიან ჩვენც მოგვიწევს აქეთ წასვლა", - განაცხადა დავით უსუფაშვილმა.