საქართვლოს უმაღლესმა საკანონმდებლო ორგანომ ე.წ მოსმენებთან დაკავშირებით ბესელია-ფოფხაძე სესიაშვილის კანონპროექტი გუშინ პირველი მოსმენით მიიღო, კანონპროექტს სავარაუდოდ მეორე მოსმენით დღეს დაამტკიცებენ.

აღნიშნულ გადაწყვეტილებაზე არაერთი კომენტარი გაკეთდა, მათ შორის იყო ირაკლი ღარიბაშვილის განცხადება, რომელიც იმედოვნებს, რომ პარლამენტის გადაწყვეტილებით არსებული უთანხმოება დასრულდება. იგულისხმა თუ არა პრემიერმინისტრმა ამ განცხადებით, პრეზიდენტის ვეტოს უფლების გამოუყენებლობა, ამის გასარკვევად „ნიუპოსტი“ გია ხუხაშვილს დაუკავშირდა.

ექსპერტი მიიჩნევს, რომ იმის განსაზღვრა, გამოიყენებს თუ არა გიორგი მარგველაშვილი საკუთარ უფლებას, რთულია, თუმცა საზოგადოებაში, უკანონო მოსმენების განცდა კვლავ რჩება და ეს ძალიან ცუდია:

„მე ვერ ვიმარჩიელებ პრეზიდენტი გამოიყენებს თუ არა ვეტოს უფლებას. რთული სიტუაციაა, საზოგადოება არც თუ ისე კეთილგანწყობილია ამ კანონპროექტის მიმართ. გარკვეულწილად ჩნდება განცდა, რომ რისკი არის ძალიან მაღალი, რომ კონტროლი მოსმენებზე არ იქნება. აქედან გამომდინარე, პრეზიდენტი რა გადაწყვეტილებას მიიღებს გამიჭირდბა ამის თქმა. საზოგადოებაში, განცდა უკანონო მოსმენებისა, მაინც რჩება და ეს ძალიან ცუდია“- განაცხადა ხუხაშვილმა.

მან ასევე ხაზი გაუსვა იმ ფაქტს, რომ მმართველ გუნდში მიღებულ კანონპროექტს რამდენიმე პოლიტიკოსი ეწინააღმდეგება და ეს არის მათი პოლიტიკური ნება, ანუ არავითარ დადგუმ სცენარზე საუბარი არ არის:

„მე ვფიქრობ, რომ ეს აბსოლუტურად ბუნებრივია. ეს ფასეულობითი საკითხია, , - განაცხადა „ნიუპოსტთან“ საუბრისას გია ხუხაშვილმა.