„რესპუბლიკური პარტიის“ ერთერთი ლიდერი, საპარლამენტო უმრავლესობის წევრი, თინა ხიდაშელი ე.წ. მოსმენების კანონპროექტის პირველი მოსმენით დამტკიცებასთან დაკავშირებით აცხადებს, რომ ვახტანგ ხმალაძის ინიციატივის ჩაგდებით ეს ამბავი არ დასრულებულა.

„შსს არის უფლებამოსილი ყოველგვარი ჩარევის გარეშე მოუსმინოს მოქალაქეებს. ისინი აგრძელებენ იმ მანკიერ სისტემას, რომელიც ამ თვალსაზრისით მოსმენებთან დაკავშირებით არსებობდა, მათ ყველაფერი კარგი შეწყვიტეს და გააუქმეს. ვახტანგ ხმალაძის ინიციატივის ჩაგდებით ეს ამბავი არ დასრულებულა და ჩვენ გვექნება ყველა პრინციპულ დებულებასთან დაკავშირებით ჩვენი ალტერნატიული წინადადებები“, - აცხადებს ხიდაშელი.

შეგახსენებთ, რომ პარლამენტში ე.წ. გასაღებთან დაკავშირებით ორი კანონპროექტი იყო რეგისტრირებული. გუშინ საქართველოს უმაღლესმა საკანონმდებლო ორგანომ ბესელია-ფოფხაძე-სესიაშვილის კანონპროექტი დაამტკიცა, ხმალაძის კანონპროექტს კი დეპუტატებმა მხარი არ დაუჭირეს.