პროკურატურის მიერ სანდრო გირგვლიანის საქმეზე მიხეილ სააკაშვილისთვის ბრალის წარდგენას პრემიერ-მინისტრი ეხმაურება.

როგორც მთავრობის სხდომაზე ირაკლი ღარიბაშვილმა განაცხადა, მისთვის, როგორც მოქალაქისთვის, სასიხარულოა ის ფაქტი, რომ გამოძიებამ გირგვლიანის საქმეს წერტილი დაუსვა.

„იმედი მაქვს, რომ მართლმსაჯულება აღდგება და კიდევ ერთხელ იზეიმებს სამართლიანობა. ეს იყო ძალიან მძიმე მოვლენა ჩვენი ქვეყნისთვის, ეს იყო სირცხვილი, რომელიც ჩვენმა წინა ხელისუფლებამ ჩაიდინა. ეს კიდევ ერთხელ მიმანიშნებელია იმისა, რომ წინა ხელისუფლების დროს ადგილი ჰქონდა სისტემურ დანაშულს, ისეთებს, როგორიც იყო ადამიანის წამება, მკვლელობა და სხვა ძალიან მძიმე დანაშაულები, მათ შორის უკანონო მოსმენების და ფარული მიყურადების კუთხით’, - განაცხადა პრემიერმა.