საქართველოს შს მინისტრის ყოფილი მოადგილე ეკა ზღულაძე უკრაინის შს მინისტრის მოადგილედ ინიშნება. ამის შესახებ ინფორმაცია „Frontnews”-ს უკრაინის შს სამინისტროს საზოგადოებასთან ურთიერთობის სამსახურში დაუდასტურეს.

ზღულაძეს პოსტზე ოფიციალურად სავარაუდოდ, მომავალი კვირის დასაწყისშივე წარადგენენ.

ცნობისთვის, ეკა ზღულაშე საქართველოში რამდენიმე წლის განმავლობაში იკავებდა ძალოვან უწყებაში მინისტრის მოადგილის თანამდებობას. მას შემდეგ, რაც შს ყოფილმა მინისტრმა ბაჩო ახალაიამ ციხის სკანდალური კადრების გავრცელების შემდეგ, პენიტენციურ სისტემაში განვითარებულ მოვლენებზე პოლიტიკური პასუხისმგებლობა აიღო და თანამდებობა დატოვა, ეკა ზღულაძე მინისტრის მოვალეობის შემსრულებელი გახდა და საქმიანობას სამინისტროში ირაკლი ღრაიბაშვილის მისვლამდე განაგრძობდა.

როგორც ღარიბაშვილმა თავის დროზე განაცხადა, პირადად მან შესთავაზა ზღულაძეს უწყებაში დარჩენა, თუმცა შეთავაზება ზღულაძემ არ მიიღო.