„ვირისგან წიხლი საწყენი არ არის“, - ასე უპასუხა უმრავლესობის წევრმა ეკა ბესელიამ უმცირესობის დეპუტატის ხათუნა გოგორიშვილის ნათქვამს მის ინგლისურთან დაკავშირებით.

„როგორც არ უნდა ცდილობდეს შეურაცხყოფის მიყენებას გოგორიშვილი, თაქთაქიშვილი და ნადირაშვილი, ამას ვერ მიაღწევენ, არა მარტო იმიტომ, რომ ვირისგან წიხლი საწყენი არ არის, არამედ იმიტომაც, რომ ეს ადამიანები ჩემთვის სიცარიელეები არიან“, - განაცხადა ბესელიამ.

ხათუნა გოგორიშვილმა ეკა ბესელიას კანონპროექტების ინგლისურად წერა ურჩია.

„ქალბატონო ეკა, მე მგონია, რომ ჩვენ უბრალოდ გვაქვს პრობლემა გავიგოთ თქვენი საუბარი ქართულ ენაზე და ერთი კანონპროექტია დარჩენილი და იქნებ ინგლისურად წარმოადგინოთ. იმიტომ, რომ თქვენი ინგლისური გაცილებით კარგად გვესმის, ვიდრე თქვენი ქართული“, - მიმართა გოგორიშვილმა ბესელიას.