„თავისუფალი დემოკრატების“ წევრის ზურაბ აბაშიძის თქმით, საქართველოში არსებულ არაფორმალურ მმართველობაზე ქვეყნის გარეთ ხშირად საუბრობენ.

როგორც აბაშიძემ განაცხადა, მისი სურვილია, რომ ქვეყნის პირველმა პირებმა დამოუკიდებლად შეასრულონ საკუთარი ფუნქციები.

„ძალიან ხშირად საუბრობენ არაფორმალურ მმართველობაზე, რომელსაც ადგილი აქვს საქართველოში. ბიძინა ივანიშვილი კოალიციის დამფუძნებელია და ამ ორგანიზაციის მიმართ დიდი ვალდებულებები აქვს, ეს ნათელია. მე ვისურვებდი, რომ პრემიერ-მინისტრმა იპრემიერ-მინისტროს, ყველა მინისტრებმა იმინისტრონ და არ იყონ დამოკიდებული ვიღაც გარე პირებზე. ჩვენ არასოდეს არ გვითქვამს, რომ ვიღაცისგან რჩევის მიღება და კონსულტაციების გამართვა დანაშაულია, მაგრამ ვისურვებდი, რომ ყველამ თავისი ფუნქციები უფრო ეფექტურად შეასრულონ", - განაცხადა ზურაბ აბაშიძემ.