საპარლამენტო უმრავლესობის წევრი დავით ლორთქიფანიძე, გაზეთ „ალიასთან“ ინტერვიუში „რესპუბლიკელებს“ საქმის გარჩევით ემუქრება და პარლამენტის თავმჯდომარეს კახა ბენდუქიძის გარდაცვალებასთან დაკავშირებით „წუთიერი დუმილის“ გამო აკრიტიკებს.

„უმრავლესობა „რესპუბლიკელების“ გარეშე მხარს დაუჭერს ეკე ბესელიას კანონპროექტს. თუ ესენი არ გვიჭერენ, ნუ გვიჭერენ , თავისუფლები არიან. საკითხი არ ჩავარდება.

ვაღიარებ, პოლიტიკური თვალსაზრისით ძალიან არასასიამოვნო ფაქტთან გვაქვს საქმე. თუ ისე მოხდება, როგორც ვვარაუდობთ, ამის შემდეგ უმრავლესობის ფორმატში იქნება მსჯელობა, ბოლოს და ბოლოს ყველამ თავისი პოზიცია დააფიქსიროს, ანუ ვის რა გეგმები აქვს და ვის რა უნდა.

ერთი საინტერესო რაღაცა მოხდა ამ ამბების დაწყებამდე პარლამენტში, რაც თითქმის ყველამ გაატარა. მე ვგულისხმობ ფაქტს, როცა დავით უსუფაშვილმა კახა ბენდუქიძის გარდაცვალებასთან დაკავშირებით მთელი პარლამენტი ფეხზე წამოყარა. მე არ ავდექი, მაგრამ სხვები ხომ ადგნენ? მანამდე არაფერი ლაპარაკი არ ყოფილა, უცებ ადგა, გამოაცხადა და „ნაციონალებმა“ ტაშიც კი დაუკრეს. ესეც ძალიან ცუდი პრეცედენტი იყო, მაგრამ „რესპუბლიკელებმა“ ასე ჩათვალეს საჭიროდ, ჩვენთვის წინასწარ არაფერი უთქვამთ.

მერე უსუფაშვილი პანაშვიდზეც მივიდა ... ძალიან გამიკვირდა, იქ რატომ მივიდა შალვა შავგულიძე? მივიდა და „რეჩიც“ დაარტყა, მაგარი კაცი იყოო.

მე არ ვარ მომხრე, რაღაც პოლიტიკური მოსაზრებების გამო ვინმეს პანაშვიდზე ადამიანი არ მივიდეს, მაგრამ როცა ამას ვინმეს გასაღიზიანებლად აკეთებ, ეს მიუღებელია. ბოლოს და ბოლოს, თუ მივიდნენ, რაღას დაიწყეს ლაპარაკი , მას ისტორია დააფასებსო?

ვინ დაფასებს ადამიანს, რომელიც რუსეთიდან ჩამოსული იყო ქვეყნის გასაუბედურებლად ? ხომ გააკეთა თავისი, ხომ მოუტ...ნა დედა?! უკვე ნათლად ჩანს , რომ „რესპუბლიკელები“ უკან არ იხევენ. დაველოდოთ კიდევ ერთი დღე, ბოლომდე გავარკვევთ, რას იზამენ. მე სიტყვა „გარჩევას“ არ ვიხმარ , მაგრამ გუნდის შიგნით აუცილებლად იქნება სერიოზული მსჯელობა.“- აცხადებს ლორთქიფანიძე.

წყარო „ალია“