პარლამენტის სხდომათა დარბაზში კანონპროექტის განხილვა ხმაურის ფონზე მიმდინარეობს, მდგომარეობა განსაკუთრებით მას შემდეგ დაიძაბა, რაც ნაციონალური მოძრაობის წევრმა ხათუნა გოგორიშვილმა ეკა ბესელიას რუსეთის ინტერესების გამტარებელი უწოდა.

"თქვენ ბრძანდებით რუსეთის ჯაშუშების ლობისტი, შესაბამისად თქვენგან სახელმწიფო ინტერესებზე საუარი ცინიკური და მიუღებელია"-განაცხადა ხათუნა გოგორიშვილმა ეკა ბესელიას მისამართით.

გოგორიშვილის პასუხად ეკა ბესელიამ განაცხადა, რომ აღნიშნული ადამიანები მოღალატეები კი არა გმირები იყვნენ, მან ნაციონალური მოძრაობის წევრებს შეახსენა ოპერაცია „ენვერის“ შემდეგ დაპატიმრებული სამხედრო მფრინავების საქმე და განაცხადა, რომ ეს ადამიანები სწორედ რუსეთის წინააღმდეგ იბრძოდნენ, ხოლო ყოფილმა ხელისუფლებამ კი მათ რუსეთის ჯაშუშობა დასდო ბრალად.

„ეს ადამიანები იბრძოდნენ რუსეთის წინააღმდეგ და თქვენს საყვარელ გაქცეულ პრზიდენტს დაყვებოდნენ უსაფრთხოებისთვის, რუსეთის ჯაშუშები თქვენ შორის მოიკითხეთ“-განაცხადა ეკა ბესელიამ

დეპუტატებმა ერთმანეთის მისამართით შეურაცხმყოფელი ფრაზები არ დაიშურეს.

გიორგი კანდელაკმა ეკა ბესელიას ქვეყნის მოღალატე და სამარცხვინო უწოდა, იგივე სიტყვებით უპასუხა ეკა ბესელიამაც.