უმრავლესობის წევრი ნუკრი ქანთარია "რუსთავი 2"-ს მიხეილ სააკაშვილის "თვალთვალისთვის" მადლობას უხდის.

მისი თქმით, სააკაშვილი ძებნილია და „ის პარიკით ან სხვა სახელითა და გვარით უნდა იმალებოდეს სადმე პროვინციაში“.

"მადლობა მინდა გადავუხადო ტელეკომპანია "რუსთავი 2"-ს, რომელმაც გუშინ მოახერხა და ნომერ პირველი ძებნილის მიხეილ სააკაშვილის ადგილსამყოფელი აღმოაჩინა და შემოგვთავაზა ნახევარსათიანი პირდაპირი ჩართვა. უნდა ითქვას, რომ მან ამით გარკვეული სამსახური გაუწია სამართალდამცველ ორგანოებს. ადრეც ხშირადაა შემჩნეული "რუსთავი 2", რომ მიხეილ სააკაშვილს უთვალთვალებს და ამ მხრივ ვფიქრობ, ჩვენი სამსახურებიც გაცილებით უფრო აქტიურად დაიწყებენ მუშაობას“, - განაცხადა ქანთარიამ.