„ფაქტი, რომ ჩვენ ევროკავშირთან ასოცირების ხელშეკრულებას ხელი მოვაწერეთ, სომხეთი კი სავჭრო კავშირს შეუერთდა, არაფერს ცვლის სომხეთთან ურთიერთობაში“, - საქართველოს პარლამენტის თავმჯდომარე, დავით უსუფაშვილი მიიჩნევს, რომ „აღმოსავლეთ პარტნიორობა“ შეიცვლება, რადგან ქვეყნებს ინდივიდუალური სტრატეგიები გაუჩნდათ:

„აღმოსავლეთ პარტნიორობა“ შეიცვლება. საქართველოს, მოლდოვასა და უკრაინას ევროკავშირთან ასოცირების ხელშეკრულების ხელმოწერის შემდეგ, მოქმედების ახალი გეგმა დაესახათ, რომელსაც ისინი ბოლომდე მიჰყვებიან. ჩვენ გადავდივართ ეტაპზე, როცა „აღმოსავლეთ პარტნიორობა“ ინდივიდუალურ ხასიათს იღებს.

მაგრამ მეზობლობა რეგიონში არავის გაუუქმებია. ჩვენ, რა თქმა უნდა, ჩვენს კოლეგებს „აღმოსავლეთ პარტნიორობიდან“ არ შეგვიძლია რეკომენდაციები მივცეთ. ფაქტი, რომ ჩვენ ევროკავშირთან ასოცირების ხელშეკრულებას ხელი მოვაწერეთ, სომხეთი კი სავჭრო კავშირს შეუერთდა, არაფერს ცვლის სომხეთთან ურთიერთობაში. ჩვენ ბარიერის შენებას არ დავიწყებთ ჩვენი მოქალაქეებისთვის ან ბიზნესისთვის. ვიმედოვნებთ, რომ ასევე მოიქცევიან ჩვენი მეზობლებიც. ჩვენი პასუხისმგებლობა ევროკავშირის მიმართ, არ უნდა ქმნიდეს წინააღმდეგობებს ჩვენს მეზობლებთან“, - განაცხადა დავით უსუფაშვილმა.