საქართველოს პარლამენტის თავმჯდომარემ მოსკოვი-სოხუმს შორის გაფორმებულ ე.წ. ხელშეკრულებაზე „დოიჩე ველესთან“ ისაუბრა. უსუფაშვილი ამბობს, რომ შეთანხმება იურიდიულად აფხაზეთის სტატუსზე გავლენას ვერ მოახდენს, მაგრამ ფაქტობრივად ასეთი შეთანხმების გაფორმება, აფხაზეთის ანექსიის მცდელობასთან შეიძლება გაიგივდეს.

„რუსეთი რასაც უკრაინაში აკეთებს, სურს სხვა სახელმწიფოებშიც გაიმეოროს. ჩვენი მიზანია მოკავშირეებმა დასავლეთში, პუტინთან შეხვედრებისას ყურადღება გაამახვილონ აფხაზეთისა და „სახმრეთ ოსეთის“ საკითხზე“, - აცხადებს დავით უსუფაშვილი.

პარლამენტის თავმჯდომარემ, საქართველოს პროდასავლურ კურსს კიდევ ერთხელ გაუსვა ხაზი.