შერიგებისა და სამოქალაქო თანასწორობის საკითხებში სახელმწიფო მინისტრის პაატა ზაქარეიშვილის თქმით, რუსეთსა და აფხაზეთს შორის დადებულ ხელშეკრულებაში ახალი არაფერია და ის როგორც მისი წინამორბედები უკანონოა.

ზაქარეიშვილის განცხადებით ყოფილი ხელისუფლების მმართველობის პერიოდში მიღებულ მსგავს ხელშეკრულებებზე რეაქცია არ ყოფილა იმის მსგავსი, რა რეაგირებაც მოქმედმა ხელისუფლებამ მოახდინა სოჭში გაფორმებულ ხელშეკრულებაზე.

„წინა ხელისუფლებას ყველაზე მნიშვნელოვან 2008 წლის სექტემბერში გაფორმებული ხელშეკრულებაზე რეაქცია არ გამოუხატავს და ჩააფლავა. ჩვენ კი მათგან განსხვავებით ხმა ამოვიღეთ. „ნაციონალებს“ ამით უნდათ, რომ გადაფარონ თავიანთი უნიათო პოლიტიკა 2008 წლიდან მოყოლებული, განსხვავებით წინა ხელისუფლებისაგან ჩვენ არ ვდოყლაპიობთ და ნამდვილად ვრეაგირებთ ისე, როგორც საჭიროა. არც ერთ აქამდე გაფორმებულ ხელშეკრულებას არ მოჰყოლია მსგავსი რეაგირება დასავლეთისგან." -განაცხადა პაატა ზაქარეიშვილმა გადაცემა "არჩევანის" ეთერში.