პროკურატურა ივანიშვილის დავალებით სახელმწიფო ღალატში მონაწილეობს- მიხეილ სააკაშვილი

პოლიტიკა - 23:03, 25 Nov, 2014

1734

მიხეილ სააკაშვილის შეფასებით „საქართველოს პროკურატურა პირდაპირ მონაწილეობს სახელმწიფო ღალატში ივანიშვილის დავალებით". ყოფილი პრეზიდენტის განცხადებით, პროკურატურის დღევანდელი საქმიანობა ქვეყანას ძვირად დაუჯდება.

"დღეს საქართველოს დადანაშაულება 2008 წლის ოსეთის გენოციდში, ეს არის საერთაშორისო სამართლებრივი საფუძვლის შექმნა, რომელიც დაიწყო ღარიბაშვილმა თვითგამორკვევაზე გაკეთებული ცნობილი განცხადებით. ახლა თუ გენოციდი მოვუწყეთ ოსებს, მაშინ საერთოდ რა პრეტენზიები შეიძლება გვქონდეს, რომ ოდესმე დაიბრუნებს საქართველო ამ ტერიტორიებს," - აღნიშნა მიხეილ სააკაშვილმა.

სააკაშვილის თქმით, ის დარწმუნებულია რომ საქართველოს მოსახლეობა დღევანდელ ხელისუფლებას ჩანაფიქრის განხორციელების საშუალებას არ მისცემს:

„ის, რაც ხდება, თუ მიიყვანეს ბოლომდე, ამის შედეგები იქნება საუკუნეების განმავლობაში უმძიმესი ტვირთი ქართველი ხალხისთვის სატარებლად".- აცხადებს მიხეილ სააკაშვილი

შეგახსენებთ, საქართველოს მთავარი პროკურატურა 2008 წლის აგვისტოს ომის ფაქტებს იძიებს. აღნიშნულ საქმესთან დაკავშირებით, მთავარმა პროკურატურამ ექსპრეზიდენტ მიხეილ სააკაშვილის ყოფილი პირადი ოპერატორი უკვე დაკითხა. გამოძიება 2008 წლის პერიოდში გადაღებულ მასალებს ეძებს.