„საქართველო ბევრად უფრო ძლიერია იმისათვის, რომ ამ ორ წელიწადში არ გადაგვიყვანონ სიბნელის გზაზე, ეს სიბნელე დასრულდება და კვლავ გავალთ სინათლის გზაზე.“, - ამის შესახებ კომენტარი საქართველოს ყოფილმა პრეზიდენტმა, მიხეილ სააკაშვილმა ტელეკომპანია „რუსთავი 2“-ის გადაცემა „არჩევანში“ გააკეთა.

სააკაშვილმა მისი სახელობის ბიბლიოთეკაზეც ისაუბრა:

„ერთ მდინარეში ორჯერ ვერ შეხვალ. საქართველოში საჭიროა ახალი სისხლი. ახალი ხალხი უნდა მოვიდეს, ის ხალხი, რომელსაც გული შესტკივა საქართველოზე. ბენდუქიძის ლოზუნგი იყო, ცოდნა, თავისუფლება და შრომა. ის, ვინც ჩემს ბიბლიოთეკაში შევარდნას ლამობს, ეს არის ივანიშვილის პოლიტიკის გაგრძელება. ეს ყველაფერი არის გათვლილი იმაზე, რომ გაუნათლებელი ერი სწრაფად ივიწყებს თავის უახლეს წარსულსაც კი. საქართველო ბევრად უფრო ძლიერია იმისათვის, რომ ამ ორ წელიწადში არ გადაგვიყვანონ სიბნელის გზაზე, ეს სიბნელე დასრულდება და კვლავ გავალთ სინათლის გზაზე. ასე არ უნდა გაგრძელდეს და არც გაგრძელდება“, - განაცხადა მიხეილ სააკაშვილმა.