„გვყავს გამზადებული მეხუთე კოლონა თბილისში. ეს ხალხი ყველანი არიან პირდაპირ მტრის ინტერესების მსახურები“, - ამის შესახებ კომენტარი მიხეილ სააკაშილმა რუსეთ-საქართველოს ურთიერთობაზე საუბრისას გააკეთა. სააკაშილმა ტელეკომპანია „რუსთავი 2“-ის გადაცემა „არჩევანში“ აღნიშნა, რომ რუსეთი დაშლის საფრთხის წინაშეა და საქართველო ამ იმპერიას საფლავში არ უნდა ჩაყვეს:

„რუსეთი დაშლის საფრთხის წინაშეა ბევრი კრიტერიუმით, ამ პირობებში როგორ შეიძლება საქართველო საფლავში ჩაყვეს ამ იმპერიას? არ უნდა მივყვეთ ამ მოღალატეების ლაყბობას. 2008 წელს 100 ათასიანი არმია მოდიოდა თბილისზე. უკრაინანში და მთელ სამხრეთში 7 500 კაცი ჰყავთ შეყვანილი.

ის, რომ მთელი მსოფლიო დაგვიდგა, ის, რომ რიგი დადგა ლიდერების, ის რომ ქართველი ხალხი დადგა გვერდით, ამან გადაარჩინა ქართული სახელმწიფოებრიობა, დღეს თბილისში არის ქეთი დოლიძე, ბურჯანაძე, „კაგებეს“ გაცხადებული აგენტი და საქართველოს მთავრობის წევრი ჰქვია, ზაქარეიშვილი. დღეს არის ვოლსკი, ფორმიანი ჩეკისტი, გვყავს გამზადებული მეხუთე კოლონა თბილისში. ეს ხალხი ყველანი არიან პირდაპირ მტრის ინტერესების მსახურები.რუსეთი გვეუბნება, გაწიეთ გვერდით დასავლეთი, შეწყვიტეთ განვითარებაო“, - განაცხადა მიხეილ სააკაშვილმა.