ჩემგან უნდა იგებდეს პირველად ევროპის ლიდერი აფხაზეთის პრობლემებზე?- მიხეილ სააკაშვილი

პოლიტიკა - 22:12, 25 Nov, 2014

1350

საქართველოს მესამე პრეზიდენტმა გადაცემა "არჩევანში" აფხაზეთის საკითხთან მიმართებაში მთავრობის მიერ გამოვლენილ პასიურობაზე ისაუბრა და განაცხადა რომ ხელისუფლების მსგავსი მოქმედებების გამო საქართველო აგრესორთან მარტო დარჩა:

"ჩვენ გავუშვით წარმოუდგენელი რაოდენობის დრო, მე არ ვამბობ რომ რუსეთი ამას არ გააკეთებდა, ისევე როგორც 2008-ში რაც არ უნდა გაგვეკეთებინა, რუსეთი მაინც შემოიჭრებოდა, მთავარი არის ის რომ როცა უკრაინა უკვე მოხდა, რა ფასად დაუჯდებოდა ეს რუსეთს, დაუჯდებოდა თუ არა ეს ფასად დიდი სანქციების, მაგალითად ყირიმში არავინ არ დებს ფულს, იმიტომ რომ ვერ აიღებს აშშ-ს და ევროპის ვიზას და გაუყინავენ ანგარიშებს. აფხაზეთზე კი მსგავსი არაფერი არ მოხდება,.

მერკელმა ჩემგან გაიგო ის რაც საქართველოს ხელისუფლებას უნდა შეეტყობინებინა, მე მას დეტალურად მოვუყევი ბრუსელში, ჩემგან უნდა იგებდეს პირველად ევროპის ლიდერი ამ ამბავს? როცა ამ ხელშეკრულების შესახებ გამოაცხადა რუსეთმა საქართველოს ფორმალური პრეზიდენტი გაემგზავრა 10 დღიანი ვიზიტით იაპონიაში, თითქოს იაპონიაში წყდება აფხაზეთის ბედი. იმავე დღეს გამოვიდა ღარიბაშვილი სიენენზე და განაცხადა რომ არანაირი პრობლემა არ აქვს რუსეთთან. მერკელს კი როცა ველაპარაკე სამი დღის შემდეგ მითხრა , რომ პირველად მესმის ეს თქვენგან, რომ აფხაზეთზე რაღაც პრობლემა არისო.

ეს მეტყველებს იმაზე რომ ჩვენ ძალიან ჩამოვრჩით მსოფლიოს მოვლენებს, ასევე იმაზე რომ ჩვენ ერთი-ერთზე დავრჩით აგრესორთან. "- განაცხადა მიხეილ სააკაშვილმა.