უმრავლესობის წევრმა თინა ხიდაშელმა კომიტეტის წევრების კითხვებზე გედევან ფოფხაძის პასუხებთან დაკავშირებით უკმაყოფილება გამოხატა და ფოფხაძეს, რომელიც დეპუტატებს ე.წ. გასაღების საკითხზე ეკა ბესელიასა და ირაკლი სესიაშვილთან ერთად მომზადებულ კანონპროექტს აცნობს, კითხვებზე ამომწურავი პასუხის გაცემისკენ მოუწოდა.

"ჩვენ კი ვიცით, სადაც დაიწერა ეს კანონპროექტი, მაგრამ თქვენ ხომ იბრალებთ, რომ ავტორები ხართ,. მაშინ გაგვეცით პასუხი: სად წერია, რომ ერთ-ერთი საკონტროლო გასაღები იქნება ინსპექტორის ხელში? სად წერია, რომ 2 საფეხურიანი სისტემა იქნება? კანონპროექტის მთელი იდეა სწორედ ეს არის, თუმცა არსად, არც ერთი სიტყვა ამის შესახებ კანონპროექტში ნათქვამი არ არის. მიგვითითეთ კონკრეტული მუხლები, ან მაშინ უნდა თქვათ, რომ შსს-მ დაგიწერათ, გნებავთ კონტრდაზვერვის სამსახურმა, მოგიტანათ და თქვენ ხელი მოაწერეთ. თუ ეს ასე არ არის, მაშინ მარტივ კითხვებზე გაგვეცით პასუხი''- განაცხადა თინა ხიდაშელმა