პარლამენტმა ფარულ მოსმენებთან დაკავშირებით, ორი კანონპროექტის საკომიტეტო განხილვა მიმდინარეობს.

დეპუტატებმა ეკა ბესელიას პროექტთან დაკავშირებით შენიშვნები გამოთქვეს. კანონმდებლები იმაზე მსჯელობდნენ, თუ რას ნიშნავს პირადი ცხოვრება და უნდა ითვლებოდეს თუ არა სახელმწიფო საიდუმლოებად, მიყურადებით მოპოვებული მასალა.

აღნიშნულ საკითხთან დაკავშირებით, ერთერთი კანონპროექტის ავტორმა, ეკა ბესელიამ განცხადება გააკეთა:

„აქ არის საუბარი, არ ვიცი რა მასშტაბის ფარული მიყურადების შედეგად მოპოვებული დოკუმენტების შენახვაზე, ვერ უზრუნველყოფენ ამას და კიდევ რა არგუმენტი მოვიყვანოთ? ის, რომ ჩვენ ექსპერიმენტი გვინდა ჩავატაროთ ჩვენ საქართველოზე, ასეთი გეოპოლიტიკური ვითარების ფონზე, ის რაც არსად არ არსებობს, ის გამოვიგონოთ? შეიძლება სხვა საკითხებზე გვქონდეს ასეთი ნოვაციები, მაგრამ მე არ მგონია, უსაფრთხოების თემა, ეს ის თემა იყოს, რომელზეც ექსპერიმენტები ახლა არ უნდა ვატაროთ“, - აცხადებს ეკა ბესელია.