„რესპუბლიკური პარტიის“ წევრის ლევან ბერძენიშვილის თქმით, კარასინი-აბაშიძის ფორმატი უნდა გაგრძელდეს, რადგან ეს ხელს არც უწყობს და არც უშლის რუსეთის ქმედებებს.

ამის შესახებ ბერძენიშვილმა „ნიუპოსტთან“ საუბრისას განაცხადა.

„აბაშიძე-კარასინის ფორმატი არის ორ ქვეყანას შორის ჩვეულებრივი კავშირი. ეს კავშირი ხელს არ უშლის და არც უწყობს იმას, რასაც რუსეთი აკეთებს. ასეთი კავშირი რუსეთსა და ამერიკის შეერთებულ შტატებს შორის არსებობდა, მაშინაც კი როდესაც ცივი ომი იყო. ამიტომ, ამ მიმართულებით ლაპარაკი, რომ თურმე აბაშიძე უშლის ხელს საქართველოს, სერიოზული არ არის. რუსეთთან კავშირი საჭიროა. მიუხედავად იმისა, თუ როგორ იქცევა რუსეთი, მთელი მსოფლიო ცდილობს მასთან დალაპარაკებას და კავშირი არავის არ გაუწყვეტია. ოპოზიციამ ეს ამბავი სწორად ვერ მოიფიქრა“, - განაცხადა ბერძენიშვილმა.