„რესპუბლიკური პარტიის“ წევრი ლევან ბერძენიშვილი უარყოფს გავრცელებულ ინფორმაციას, თითქოს მათი პარტია უმრავლესობას ტოვებს.

როგორც „ნიუპოსტს“ ბერძენიშვილმა განუცხადა, ე.წ. გასაღებზე პარლამენტში კამათია, თუმცა ეს „რესპუბლიკელების“ უმრავლესობისდან წასვლის მიზეზი არ იქნება.

„მსგავსი რამ არ ხდება, არც ის ვიცი ვინ ავრცელებს ამ ინფორმაციას. პარლამენტში ე.წ. გასაღებთან დაკავშირებით არის კამათი, მაგრამ ეს არაფერ შუაშია „რესპუბლიკური პარტიის“ მიერ უმრავლესობის დატოვებასთან. ამ ეტაპზე მეტი არაფრის თქმა არ შემიძლია“, - განაცხადა ბერძენიშვილმა.

ე.წ. ფარული მოსმენების შესახებ განონპროექტთან დაკავშირებით საპარლამენტო უმრავლესობის ხმები ორად გაიყო. უმრავლესობაში მხარს ბესელია-ფოფხაძე-სესიაშვილის მიერ შეთავაზებულ პროექტს უჭერენ მხარს. გავრცელდა ინფორმაცია, რომ შესაძლოა აღნიშნულის გამო „რესპუბლიკელებმა“ დატოვონ. დილიდან პარტიაში შიდაკონსულტაციები მიმდინარეობს.