ევროატლანტიკურ სტრუქტურებში სახელმწიფო მინისტრი დავით ბაქრაძე აფხაზეთსა და რუსეთს შორის ე.წ. ხელშეკრულების გაფორმებას ეხმაურება.

მისი თქმით, ე.წ. დოკუმენტი გამოწვევაა როგორც საქართველოს, ასევე ევროპული და ევროატლანტიკური უსაფრთხოების არქიტექტურისთვის.

"მიუხედავად იმისა, რომ საერთაშორისო სამართლის მიხედვით ეს დოკუმენტი არალეგიტიმურია, ის იწვევს დიდ შეშფოთებას და აღძრავს საფრთხეებს როგორც საქართველოსთვის, ასევე ევროპული და ევროატლანტიკური უსაფრთხოების არქიტექტურისთვის. ამიტომ, საქართველოს მთავრობის მოქმედებები მიმართულია საერთაშორისო თანამეგობრობის მობილიზებისკენ, რათა მაქსიმალურად გაძლიერდეს ევროატლანტიკური სტრუქტურების მხრიდან ზეწოლა შედეგის მისაღწევად“, - განაცხადა დავით ბაქრაძემ.