საგარეო საქმეთა ყოფილი მინისტრი გრიგოლ ვაშაძე დაგვიანებულს უწოდებს პრეზიდენტის ინიციატივას, რომლის მიხედვით აფხაზეთის თემაზე ხელისუფლებამ და სამოქალაქო საზოგადოებამ კონსოლიდირებულად უნდა იმუშაონ.

ვაშაძის თქმით, სწორედ გიორგი მარგველაშვილი იყო პიროვნება, ვინც რუსეთთან ურთიერთობის დარეგულირების მომხრე იყო.

„შემაშფოთებელი ის არის, რომ რუსეთის მიერ აფხაზეთის საოკუპაციო რეჟიმთან ხელშეკრულების ხელმოწერამ მკაფიოდ აჩვენა რა გეგმები აქვს რუსეთს ჩვენს რეგიონთან მიმართებაში. პიროვნება, რომელიც დღეს საქართველოს პრეზიდენტია, ერთ-ერთი ყველაზე მხურვალე მხარდამჭერი იყო იმ ე.წ. დარეგულირების რუსეთთან ურთიერთობის, რომელსაც დღევანდელი ხელისუფლება ატარებდა. პაციენტი, რომ მოკვდება ან კომაშია, მერე კონსილიუმის შეკრება გვიანია“, - აცხადებს გრიგოლ ვაშაძე.