„თავისუფალი დემოკრატები“ რუსეთსა და აფხაზეთს შორის თანამშრომლობის ე.წ. ხელშეკრულების გაფორმებას გმობს.

ამის შესახებ პარტიის ერთ-ერთმა ლიდერმა მაია ფანჯიკიძემ საგანგებო ბრიფინგზე განაცხადა.

მისი განმარტებით, ამ პროცესის შესაჩერებლად მხოლოდ საგარეო საქმეთა სამინისტროს განცხადება საკმარისი არ არის და ამისთვის კონკრეტილი ნაბიჯების გადადგმაა საჭირო.

საქართველოს ხელისუფლებამ უნდა მოახდინოს ხელშეკრულების გაფორმებაზე ოფიციალური რეაგირება უმაღლეს დონეზე. მიგვაჩნია, რომ ასეთ ვითარებაში მხოლოდ საგარეო უწყების განცხადება საკმარისი არ არის. უნდა განხორცილდეს პირდაპირი კონტაქტები საქართველოს პრემიერ-მინისტრის და პრეზიდენტის პარტნიორი ქვეყნების სახეწლმწიფოს მეთაურებთანდა მთავრობის ხელმძღვანელებთან. საერთაშორისო ორგანიზაციებში, გაეროში, ეუთოში და ევროკავშირში უნდა იქნას მოთხოვნილი საგანგებო სხდომების მოწვევა. მიზანშეწონილია ამ საკითხის დაყენება გაერო-ს უშიშროების საბჭოზე, ეუთო-ს გაძლიერებული მუდმივი საბჭოს და დეკემბრის მინისტერიალზე. დაუყოვნებლივ დაიწყოს კონსულტაციები ევროკავშირთან, სამხრეთ კავკასიაში მის სპეციალურ წარმომადგენელთან და ჟენევის პროცესის ყველა თანათავმჯდომარესთან პლენარული ან საგანგებო სხდომის მოწვევის მოთხოვნით. პარლამენტმა უნდა გააქტიუროს ქმედებები პარტნიორი ქვეყნების საპარლამენტო ჯგუფებთან, რათა მოხდეს ამ ფაქტის ადექვატური შეფასება შესაბამისი რეზოლუიციის მიღების გზით. ხელისუფლებამ უნდა გააქტიუროს საქმიანობა საერთაშორისო მედიასთან, საერთაშორისო აზრის ფორმირების მიზნით. ხელისუფლებამ უნდა დაიწყოს მზადება რუსეთთან ორმხრივ ფორმატში პოლიტიკური ურთიერთობის გადახედვასთან დაკავშირებით", - განაცხადა ფანჯიკიძემ.