ვიცე-პრემიერის კახი კალაძის თქმით, მთავრობა ყველაფერს აკეთებს, რომ რუსეთსა და აფხაზეთს შორის თანამშრომლობის ხელშეკრულების დადების პროცესი შეაჩეროს.

მისი თქმით, ამ პროცესში საერთაშორისო თანამეგობრობა მაქსიმალურად უნდა იყოს ჩართული.

„ვფიქრობ, რომ დღეს რეალური შანსი გვაქვს იმის, რომ აფხაზ ხალხს უფრო დავუახლოვდეთ ისე, როგორც არასდროს. ეს აფხაზებმაც ძალიან კარგად იციან. ძალიან დიდი აზრთა სხვადასხვაობაა მათ შორის თვითონ მათშიც, რომ შესაძლებელია ეთნიკურად აფხაზი ხალხი უახლოეს მომავალში საერთოდ გაქრეს. მაქსიმალურად უნდა მოვუწოდოთ საერთაშორისო საზოგადოებას, რომ მაქსიმალურად იყვნენ ჩართული ამ პროცესებში. მთავრობა და ხელისუფლება ყველაფერს გავაკეთებთ, რომ ეს პროცესები შევაჩეროთ", - განაცხადა კალაძემ