ფინანსთა მინისტრის მოადგილის გიორგი კაკაურიძის ინფორმაციით, გასული 9 თვის განმავლობაში ქვეყანაში 5,9 პროცენტიანი ეკონომიკური ზრდა დაფიქსირდა.

„არსებული ტენდენციების გათვალისწინებით, ვფიქრობთ, რომ წლიური ეკონომიკური ზრდა 5 %-ზე მაღალი იქნება, რაც აისახება როგორც საგადასახადო შემოსავლებში, ისე მთლიანად, ეკონომიკური ზრდის მაჩვენებელზე. რაც შეეხება დამატებული ღირებულების გადამხდელ საწარმოთა ბრუნვებს, ამ კუთხითაც მნიშვნელოვანი ზრდაა დაფიქსირებული. გამოვყოფ სოფლის მეურნეობას, სადაც ზრდა იყო 30 %-ზე მეტი და მშენებლობა, სადაც დამატებული ღირებულების გადამხდელ საწარმოთა ბრუნვების ზრდა 30,5 %- იყო. გასულ წელს მშენებლობის სექტორიში კლება დაფიქსირდა. წელს ამ სექტორში 2 მილიარდ 600 მილიონი ლარის ბრუნვა დაფიქსირდა. რაც შეეხება მთლიანად კერძო სექტორს, აქ დაახლობით 36 %-იანი ზრდაა დაფიქსირებული“, - განაცხადა კაკაურიძემ.