საქართველომ უნდა აღიაროს, რომ 2008 წლის აგვისტოს ომი ჩვენ დავიწყეთ

საქართველომ უნდა აღიაროს, რომ 2008 წლის აგვისტოს ომი ჩვენ დავიწყეთ - კახა თარგამაძე

პოლიტიკა - 13:06, 24 Nov, 2014

2843

შინაგან საქმეთა ყოფილი მინისტრის კახა თარგამაძის განცხადებით რუსეთთან ურთიერთობის დალაგების შანსები არსებობს, ამისთვის კი საჭიროა რუსეთი დარწმუნდეს, „რომ არ ვართ მისი მტრები“ თუმცა მისივე თქმით ის ქართველი, რომელიც ამას გადადგამს მაშინვე საშინელი დარტყმის ქვეშ მოექცევა. შს ყოფილი მინისტრი „ასავალ-დასავალთან“ სკანდალურ განცხადებას აკეთებს და აცხადებს, რომ საქართველომ აგვისტოს ომის დაწყება უნდა აღიაროს.

"ახლა არის შანსი, რომ რუსეთთან ყველაფერი დალაგდეს, მაგრამ კაცი არ არის ვინც მოსკოვში ჩამოვა და რუსეთის ხელისუფლებას დაელაპარაკება. ქართული ანდაზაა - „დათვი რომ მოგერევა, „ბაბაია“ უნდა დაუძახოო!“ პუტინმა თქვა - დათვი ვარ და ნუ მიჩიჩხინებთო! მოკლედ სამუშაოა რუსეთთან. რუსეთი ჩვენ უნდა დავარწმუნოთ , რომ არ ვართ მტრები, მაგრამ რომელი ქართველიც ამ ნაბიჯს გადადგამს, ის მაშინვე მოექცევა საშინელი დარტყმების ქვეშ.

საქართველომ უნდა აღიაროს, რომ 2008 წლის აგვისტოს ომი ჩვენ დავიწყეთ. მაგრამ საქართველოში დღეს ერთი კაციც არ არის ვინც რუსებთან დაილაპარაკებს“,-განაცხადა კახა თარგამაძემ „ასავალ-დასავალთან“ ინტერვიუში