„საუკუნის პროექტი“ - ბაქო-თბილისი ჯეიჰანის მილსადენი, რომლის მიზანი კასპიის ენერგორესურსების ევროპაში მიტანაა, რეალობად იქცა, რისიც რამოდენიმე წლის წინ არავის სჯეროდა, - განაცხადა აშშ-ს ვიცე-პრეზიდენტმა ჯო ბაიდენმა სტამბულში მიმდინარე ატლანტიკური საბჭოს სამიტზე.

„ეს არის მოვლენა, რომელმაც თამაშის წესები შეცვალა. აზერბაიჯანისა და ირანის მონაწილეობით, ჩვენ ხმელთაშუაზღვის რაიონში უფრო საიმედო ენერგეტიკულ რეგიონს შევქმნით. თანამშრომლობა ისრაელს, თურქეთს, საბერძნეთს, ეგვიპტესა და კვიპროსს შორის საგრძნობლად აამაღლებს ცხოვრების დონეს ამ რეგიონში, რაც შსაძლებელი გახდება მათი ენერგოუსაფრთხოების უზრუნველყოფით,“ - განაცხადა ბაიდენმა.

ბაიდენმა განსაკუთრებით გაუსვა ხაზი იმ მომენტს, რომ აზერბაიჯანმა, საქართველომ და თურქეთმა შეუძლებელი შესძლეს და ეს პროექტი სისრულეში მოიყვანეს. ცნობისათვის, ნავთობსადენის საერთო სიგრძე 1768 კილომეტრია - 443 კილომეტრი გადის აზერბაიჯანის, 249 - საქართველოს, ხოლო 1076 კილომეტრი თურქეთის ტერიტორიაზე.