"თავისუფალი დემოკრატების" ლიდერები ალექსი პეტრიაშვილი, მაია ფანჯიკიძე და ვიკტორ დოლიძე NDI-ის პრეზიდენტს კენეტ უოლაკს და NDI-ს საქართველოს ოფისის ახალ ხელმძღვანელს ლაურა ტორნტონს შეხვდნენ. მხარეებმა ორმხრივი ურთიერთობების საკითხები და თანამშრომლობის გაღრმავების პერსპექტივები განიხილეს.

„NDI ამ ქვეყანაში უკვე მრავალი წელია მუშაობს, პარლამენტთან, ოპოზიციურ პარტიებთან და სამოქალაქო სექტორთან ერთად. ეს კარგი შესაძლებლობა იყო ჩემთვის, ჩამოვსულიყავი საქართველოში, კონსულტაციები გაგვემართა ჩვენს პარტნიორებთან. პოლიტიკური პარტიების სპექტრის თაობაზე. ვმუშაობთ საპარლამენტო ფრაქციებთან, რომ დავეხმაროთ მათ საკუთარი შესაძლებლობების გაზრდაში, ეროვნულ და საერთაშორისო დონეზე“, - განაცხადა კენეტ უოლაკმა.