პოლიციის პოლკოვნიკის ირაკლი ფირცხალავას ინფორმაციით, ემზარ კვიციანის კოდორის ხეობაში ყოფნის პერიოდში „პოლიციელების ხოცვა-ჟლეტვა მიმდინარეობდა“.

ამის შესახებ ფირცხალავამ გადაცემა „რეაქციაში“ განაცხადა.

მისი თქმით, 2006 წელს პოლიციის შესვლა ხეობაში იმის გამო მოხდა, რომ ემზარ კვციანი და ბატალიონი "მონადირე" მოსახლეობას ვერ იცავდნენ.

„კვიციანი კოდორის ხეობას დამნაშავეებისგან ვერ იცავდა. მისი ხეობაში ყოფნის დროს გაეროს რამდენიმე დელეგაციის გატაცებაც კი მოხდა. რატომღაც, ამ ხეობაში მიზანმიმართულად გაჩაღდა სამართალდამცველთა მკვლელობა. რამდენიმე მაგალითს მოვიყვან, გიზო წიფიანის დედას სახლს ცეცლი გაუხსნეს. შემთხვევის შედეგად გარდაიცვალა დედამისი და ბიძამისი გარდაიცვალნენ. ავტომატით შეიარაღებულმა ადმიანებმა გოჩა აფრასიძეს მოუკლეს ძმა. ბატალიონი „მონადირის“ წევრებმა შეუთვალეს აჭარის განყოფილებას, რომ მათ ხეობა დაეტოვებინათ. 1988 წელს პოლიციელი ბესარიონ მესხი დემონსტრაციულად მოკლეს პოლიციის განყოფილების მერე. შემდეგ მთელი პოლიცია გამოიყვანეს და სცემეს. ამის შემდეგ ცხენზე ამხედრებულები შევიდნენ პოლიციის შენობაში და დაანგრიეს იქაურობა. მას მერე პოლიციას არ უფუნქციონია კოდორის ხეობაში“, - განაცხადა ფირცხალავამ.