თავდაცვის მინისტრის ბაჩო ახალაიას მეუღლე ანი ნადარეიშვილი ლალი მოროშკინას მიერ გაკეთებულ განცხადებას ეხმაურება.

როგორც „ნიუპოსტს“ ნადარეიშვილმა განუცხადა, მოროშკინას განცხადებამ დადასტურდა, რომ პრემიერმა ახალაიას წინააღმდეგ ახალი საქმე შეუკვეთა.

„ბაჩო ციხის ბუნტში გამართლდა. ეს არის ის, რასაც ვამბობდი ადრე, ღარიბაშვილმა პროკურორთან თათბირზე მოითხოვა, რომ რაიმე "შოკისმომგვრელი, მძიმე" დანაშაული სჭირდებოდა. ეს მისი სიტყვებია იმ თათბირიდან. სწორედ ამას ადასრტურებს მოროშკინას განცხადებაც, პრემიერს შევუთვალე თუ საჭირო გახდა, მზად ვართ მივცეთ ჩვენებაო. როგორც ჩანს, საჭირო გახდა. მათი რეიტინგი დღითი-დღე ეცემა და ამით სუნთქავენ, კასრები, ცოცხები, უგვამო მკვლელობები, ტერაქტები საკუთარი ქვეყნის წინააღმდეგ, ჰაკიმ ფაშების ვიდეოები და ა.შ. ახლაც, როგორც ჩანს, მათი პულსი ძლივს ისმის და სჭირდებათ რამე, რომელიც ააჩქარებს ამ მაჯისცემას. სხვანაირად ვერ გადარჩებიან, ეს არის მათი თვითგადარჩენის ინსტიქტი - მისცენ ხალხს სანახაობა“, - განაცხადა მოროშკინამ.

ლალი მოროშკინა თავდაცვის ყოფილ მინისტრს ბაჩო ახალაიას ციხის ბუნტის დროს პატიმრის განზრახ მკვლელობაში ადანაშაულებს.

მოროშკინას თქმით, ახალაია შევიდა პატიმრების საკანში და ტყვია მის მეუღლეს ესროლა, რომელსაც საკანში მყოფი პატიმარი გადაეფარა.

მისი განცხადებით, მისი მეუღლე ამ დრომდე არ დაუკითხავთ.