საქართველოს პრეზიდენტი რუსეთ-აფხაზეთს შორის მოკავშირეობის დოკუმენტის შესაძლო გაფორმების ფაქტს ეხმაურება.

გიორგი მარგველაშვილის თქმით, ერთადერთი ბერკეტი, რომელიც ამ პრობლემის მოსაგვარებლად საქართველოს გააჩნია, ეს არის საერთაშრისო თანამეგობრობის ჩართულობა ამ პროცესში.

„ნებისმიერი ასეთი ანექსიისკენ გადადგმული ნაბიჯი წამგებიანია არა მხოლოდ სახელმწიფო საქართველოსთვის, არამედ წამგებიანია იმ ეთნიკური ჯგუფისთვის, რომლის მომავალიც საქართველოშია. ამას ჩვენ ვამბობთ ღიად. ამ თვალსაზრისით კიდევ უფრო გააქტიურებული ვართ. სამწუხაროდ, ეს თემები არ წყდება ერთბაშად და ეს ის პოლიტიკაა, რომელსაც ყველა ათწლეულების განმავლობაში ვუპირისპირდებით“, - განაცხადა მარგველაშვილმა.