საპარლამენტო უმრავლესობის წევრი დავით საგანელიძე მიიჩნევს, რომ გუანტანამოს ციხიდან სამი პატიმრის საქართველოში გამოგზავნა საფრთხის შემცველი იქნება.

„არ ვიცი ეს ინფორმაცია რას ეფუძნება და ვინ მიიღო ეს გადაწყვეტილება. ჩემი აზრით, ეს ფაქტი დიდი საფრთხის შემცველი იქნება“, - განაცხადა საგანელიძემ.

აშშ-ის ხელისუფლებამ გუანტანამოს ციხიდან სამი პატიმარი საქართველოში გამოაგზავნა. “ნიუ იორკ თაიმსის” ცნობით, “გუანტანამოს” ციხე ოთხმა იემენელმა დატოვა, რომელთაგან სამი იემენელი პატიმარი საქართველოში იქნა გამოგზავნილი.

საპატიმრო კიდევ ერთმა ტუნისელმა დატოვა, რომელიც სლოვაკეთში ერთ იემენელთან ერთად გაიგზავნა.