„დემოკრატიული მოძრაობის" ლიდერი ნინო ბურჯანაძე მიიჩნევს, რომ ქვეყანაში უკანონო მოსმენების პოლიტიკური ნება არსებობს და ამიტომ აზრი არ აქვს კანონში რა ჩაიწერება.

"როდესაც ქვეყანაში არ დაისაჯნენ ის ადამიანები, ვინც უკანონო მოსმენებს ახორციელებდნენ, რა აზრი აქვს საერთოდ ამ საკითხის განხილვას თუ ვის ხელში იქნება ე.წ. გასაღები. მთავარია ადამიანებს ჰქონდეთ იმის განცდა, რომ თუ ისინი ვინმეს უკანონოდ მოუსმენენ, ამისთვის აუცილებლად დაისჯებიან. წინააღმდეგ შემთხვევაში გასაღები ერქმევა თუ ბოქლომი, ვის ხელშიც არ უნდა იყოს, ამას მნიშვნელობა არ ექნება", - განაცხადა ბურჯანაძემ.