ფინანსთა მინისტრი პრემიებთან დაკავშირებით „ნაციონალური მოძრაობის“ მიერ გავრცელებულ ინფორმაციას ეხმაურება.

მისი თქმით, 21 000 ლარის ოდენობის დანამატი მან 10 თვის განმავლობაში აიღო.

"პრემია არ ამიღია არც ერთი თეთრი. ეს არის დანამატი, რომელიც განსაზღვრულია პრემიერმინისტრის ბრძანებით. ჯერ კიდევ ბატონმა ბიძინა ივანიშვილმა შეამცირა მინისტრების შრომის ანაზღაურება. კიდევ უფრო შემცირდა ირაკლი ღარივბაშვილის პრემიერ-მინისტრობის დროს. ჩვენი ანაზღაურების შესახებ საქართველოში ყველამ ყველაფერი იცის", - განაცხადა ნოდარ ხადურმა.

"ნაციონალური მოძრაობის" წევრის ირმა ნადირაშვილის ინფორმაციით, მინისტრებმა და მოადგილეებმა 2014 წლის 8 თვის განმავლობაში 3 მილიონზე მეტი ლარი მიიღეს.