საკრებულოს რამდენიმე ფრაქცია დღეს თბილისის მომავალი ბიუჯეტის საკითხს განიხილავს.

ბიუჯეტს ფრაქციის წევრებს დედაქალაქის მერისა და საფინანსო სამსხურის უფროსის მოადგილეები წარუდგენენ.

ირაკლი ალასანიას პარტია ბიუჯეტის პროექტის მხარდაჭერას აპირებს, თუმცა გარკვეული შენიშვნები აქვს.

პროექტის მხარდაჭერაზე უარს აცხადებს „ნაციონალური მოძრაობა“.

„ინფრასტრუქტურის მიხედვით ადგილი აქვს უიდეობას და აბსოლუტურ რისკებს. ჩვენ გვექნება კიდევ რამდენიმე შეკითხვა. მაგალითად, რატომ უქმდება სოციალურად დაცუველი მრავალშვილიან ოჯახებისთვის წყლის გადასახადზე 50%-იანი შეღავათი. ასევე, გაგრძელდება თუ არა სოციალურად დაუცველ სტუდენტებზე სწავლის დაფინანსება“, - განაცხადა ფრაქცია „ნაციონალური მოძრაობის“ თავმჯდომარემ ირაკლი აბესაძემ.