უზენაესი სასამართლოს თავმჯდომარე ფარულ მოსმენებთან დაკავშირებით ე.წ. გასაღების სასამართლოსთვის გადაცემას მიზანშეწონილად არ მიიჩნევს.

ამის შესახებ კოტე კუბლაშვილმა ჟურნალისტებთან საუბრისას განაცხადა.

მისი თქმით, აღნიშნულ საკითხზე იუსტიციის უმაღლესი საბჭოს წარმომადგენლებთან იმსჯელა და ყველა მათგანის პოზიცია იყო, რომ ე.წ. გასაღები სასამართლოს არ უნდა ჰქონდეს.

„სასამართლო გამოდის როგორც ბრძანების გამცემი, შემდგომ ამ ბრძანების განმახორციელებელი და შემსრულებელი. შემდეგ ის ახორციელებს კონტროლს თავისივე ბრძანებაზე. ამის შემდეგ ხდება ამ ბრძანების შედეგად მოპოვებული მტკიცებულებების განადგურება. ამ ყველაფრის ერთ ხელში მოყრა ნამდვილად არ შეესაბამება სასამართლოს იმ ფუნქციას რაც მას სინადვილეში აქვს", - განაცხადა კოტე კუბლაშვილმა.