საია-ს თავმჯდომარე პრემიერს არასამთავრობოების შეურაცხყოფაში ადანაშაულებს.

კახა კოჟორიძის განმარტებით, ამის ნიმუში ირაკლი ღარიბაშვილის მიერ ე.წ. გასაღებთან დაკავშირებით გაკეთებული განცხადებაა.

„თუ ამ კანონპროექტს „ნაციონალური მოძრაობის“ გარდა სხვა მხარს არ უჭერს, ისედაც კანონად ვერ იქცეოდა. ძალიან ბევრი დისკრედიტაციას შეეცდება და ამის ნიმუში უკვე ვნახეთ, როდესაც პრემიერმა თქვა, რომ ეს არის „ნაციონალური მოძრაობის“ მიერ შემოგდებული ვარიანტი. კიდევ ერთხე ვიხილეთ, თუ როგორ აყენებს შეურაცხყოფას ის არასამთავრობო ორგანიზაციებს და ეს პირველი შემთხვევა არ არის“, - განაცხადა კოჟორიძემ.

პრემიერ-მინისტრმა ფარულ მოსმენებთან დაკავშირებით განაცხადა, რომ ე.წ. გასაღები შინაგან საქმეთა სამინისტროს ხელში უნდა იყოს.