ფარული მოსმენები და პარლამენტში წარდგენილი ორი კანონპროექტი იქნება დღეს მთავარი თემა შეხვედრაზე, რომელიც პრემიერმინისტრსა და საპარლამენტო უმრავლესობას შორის გაიმართება.

მანამდე, ირაკლი ღარიბაშვილი ვახტანგ ხმალაძის, ასევე ბესელია-სესიაშვილი-ფოფხაძის კანონპროექტებს დეტალურად „ქართული ოცნების“ ფრაქციის სხდომაზე განიხილავენ.

როგორც უმრავლესობის, ასევე ფრაქციის სხდომაზე ერთერთი მთავარი თემა ადგილობრივ თვითმმართველობაში მიმდინარე პროცესები იქნება.

პრემიერი კანონმდებლებს ბრიუსელში ვიზიტის დეტალებს გააცნობს.